لاتحاتي

لاتحاتي عيوني ابي اسهر

يوم بحبّك مايكفي ياعمري

لاتحاتي حبيبي ابي اكثر

ياللي هواك سكن صدري

سكن واستوطن و تنثّر

وفيك تزيّن الليل يابدري

احب اوله عليك واتصبّر

واحب الهيام باليوف يسري

لاتحاتي عيوني ابي اسهر

يوم بحبّك مايكفي ياعمري

منو اللي يدلّي ؟؟

من غيرك من لي ؟؟

منو شمسي وظلّي ؟؟

مو انت 

النسمه !!

مو انت

 المعاني ..

مو انت الآماني..

اللي تسمّت بإسمي…

مو انت كل شي حلو .. حصل لي …؟؟!!

من غيرك من لي ؟؟

……

من غيرك 

شلون الطيور تغرّد

شلون لواهيب اليوف .. تبرِد

شلون تنقال كلمات الحب

من غيرك 

أضيع..

من غيرك ..

منو اللي يدَلّي ؟؟

من غيرك من لي ؟؟

براك

٢٧-٨-٢٠١٤

الاربعاء

سما الأحزان

طاير بسما الأحزان

محتاج امل 

يهديني جنحان

العمر كسرني

الريح تحطّمني

الوقت باطراف جفني

 دقّت ثوانيه .. بصدري

صرت للونين عنوان

طاير بسما الاحزان

محتاج أمل

يعطيني جنحان

....

لايادنيا ... حيلج

بسي من ويلج

طاير بالسما

لامينا ناداني

لا حضن احتواني

لاكلمه تهز كياني

قلبي على الكل هان

طاير بسما الاحزان

صدى افّادي

انت اللي تنادي ؟

قلبي دقاته زادت

واكثر خفقات أفّادي

انت اللي تنادي ؟

……

من اللي فيني

احس تناديني

والا يتهيالي!!

والا انا ولهان

والوله بقلبي متمادي

انت اللي تنادي؟

….

مو كل ندى ..صوت

نداك  احساس ساكت

وينطق بدمـــّي

مو كل ندى.. صوت

نداك انت 

اصل تكوين همّي

مو كل ندى ..صوت

نداك انت

كتب على حضن العذاب

ميلادي

انت اللي تنادي؟!

لاتنادي
لاتنادي
لاتنادي

١٩-٦-٢٠١٤

الخميس

عيش حياتك

عيش حياتك

مافي شي فاتك

تقدر لآخر نفس 

تحقق حلم

وتشوف  .. امنياتك

عيش حياتك 

....

شيصير ؟ 

لوخذت من الجنون .. لون

لو صرت عالمستحيل ..تمون

وعلّمت عيونك وقلبك ..يحبّون

وزرعت البسمه ..

 بأعماق ذاتك!!

عيش حياتك 

....

إكسّر قيودك ..

اثبت وجودك ..

خل التفاؤل يقودك

لكيانات الفرح 

حطم معنى التشاؤم

حطّم معنى اليأس

علّم نفسك تصرخ : 

بس 

بس 

بس

خلها كلمه بطريقك 

خلها عنوانك

قرارك 

جهاتك 

وعيش حياتك 

براك 

١٦-٠٦-٢٠١٤

الاثنين

وين الكويت

وين ؟ الكويت اللي عالحب تحن

اللي تخطّت ازمات ومحن

 اللي هذا على الثاني يحن

وين راحت ووين بتودّونها

وين اللي يحبّونها ويودّونها

كل روح تعطي ماوراها ودونها

كل روح لابد تعطف وتحن 

خيال بخيال

مابقى بيني وبينك غير الخيال

ومجرّد حلم عمره ابد ماإكتمل

موّت بداخلي لذة الإحتمال

كسرت مجاديف اللقا والأمل

ياظلم الليالي لو ناديت تعال

يامسرع الرد لو نداي فشل

للندا صدى يجرحني بعدال

و بعروق قلبي للألم محل

الخيال وطن و كون ومجال

يمسح دمع الولهان لي انهمل

الخيال صار لأمواج الهم يال

ارتمي باحضانه لو محد سأل

هذا انا من بعدك خيال بخيال

ومجرد حلم عمره ابد مااكتمل

١٠-٦-٢٠١٤

الثلاثاء