ياريحة هلي

الوله باليوف ياريحة هلي زايد

حشى علي بحبك ابد ماازايد 

تمر نسماتك على الروح تمر 

ويرتوي خفوقٍ ذاق المر 

مهما تغيب شوقي يتم زايد 

محدٍ غيرك ياغالي دامرني 

بنيت بعيوني آمال ومدمرني 

دروبك كلمالها تصير بعيده

رجع ماضي راح وعيده 

ترى اللي فيني جايد

مهما تغيب شوقي لك زايد 

أنا على حس هالامال 

اعدل حظٍ للاسيه حمال 

خلك وياي والله أأمن لي 

قولي بس من غيرك من لي 

وانت لاحلامي الفارس والقايد 

مهما تغيب شوقي لك زايد

تغيب ؟؟شخليت للشمس بغيابك 

 قوم علم النور قوم.. الله يابك 

أهي طلة تنورلي دنيتي 

خلني حبيبي على نيتي 

ادري على نيتي وايد 

مهما تغيب شوقي لك زايد

احساس الماي

كنت في عيونك اختفي من دنياي

ينساني العطش يااحساس الماي

كانت الهموم تتعداني

كان الشقا يتحاشاني

كل شي حلو صار لي

وانت وياي

كنت في عيونك اختفي من دنياي

ماأذكر بوجودك تعّبتني .. الايام

الحلم صار واقع نسيت ..الاحلام

حتى الصبر ماعرفه وياك

كنت مهتني مبتسم بدنياك

ياكل اللي راح واللي ياي

كنت في عيونك اختفي من دنياي

هناك

هناك

انا عايش هناك

بذاك المكان هذاك

بذكرياتي النديه

باحلامي الورديه

كل حلاة العمر بدنيتي

مايعادل لحظه وياك

هناك 

انا عايش هناك

....

هناك ملاذي .. مكاني

هناك زماني ..عنفواني

مليت من عيشة .. هنيه

ابي عيشة الهناك

....

هناك انغرست بحشاي ورده

ترويني وله وموده

هناك الكلام غير اوزانه

هناك لقيتني انا

هنيه سكني الهلاك

...

هناك الدرب اللي اعرفه

هناك ماكانت الروح متكلفه

خسرت وايد من فقدتك

انا ميت من يوم خسرتك

سبحان من بقلبي احياك

مدينه

 مدينه

الحياه فيها ... مستحيله

مدينه

الخطوه بشوارعها .. ثقيله

تنام على انات ناسها

ناموا كل حراسها

صاروا الحراميه حراس

صاروا عيال ناس

وبطريق الحق .. 

صاروا دليله

والحياه مستحيله

...

أصحاب الدم الازرق يسيطرون

واذا انت عليهم ماتمون

لاتطلب اكثر من لقمتك

لاتفكر تشرح قصتك

بأي طريقه ووسيله

والحياه مستحيله

....

الواثق قام يهذي

توفق بولسان بذي

اللي يتشكى سكت

واللي يتنفس انقمت

والشريف انهد حيله

والحياه مستحيله

ياصاحب القلب النظيف

 ياصاحب القلب النظيف

تعايش مع الواقع السخيف

مغصوب تشوف

كل غلط حولك قوي

وكل شي صح يصبح ضعيف 

لاتحاول

لا تزيد

ولاتضيف

ياصاحب القلب النظيف

.....

العالم تغيّر   تو عّي

احنا بعصر السرعه

الحب بسرعه

الكره بسرعه

عيش الحياة

 واترك التفاؤل

على الرصيف

ياصاحب القلب النظيف

.......

لاتعامل الناس بمعتقداتك

لا تعيش بدون لاتجرح ذاتك

ساير الواقع

وقلل على قلبك التكاليف

ياصاحب القلب النظيف

....

اهرب من الواقع بكتاب

بكلمه حلوه

بلحظة اعجاب

عيش اللحظه

لاتفكر بتعديل الاحوال

أملك بهالامل جدا 

ضعيف

ياصاحب القلب النظيف

تباهى

  تباهى

اجعل الكذب  

 

أسمى انواع الوجاهه

استرعي للزيف انتباهه 

اغرس على ارض الواقع

بذور الخداع

وانتظر غرسك يكبر

وابني على ارضك اطماع

واجني من مازرعته

غش

وتفاهه

وتباهى 

...

 

خلك متباهي على مسرح الحياة

اكتب حوارات وردد افيهات

 

اختار الأدوار والممثلين

 

واسدل الستار بكيفك

النص بين إيدك 

اجعله دراما 

اجعله فكاهه

وتباهى

غيرك مافي

 

تبرد أطرافي
والروح دفت
لي سمعت طاريك
تظل انت المنى
وعيونك ستري
ولحافي
ماالقى اجابه شافيه
تلملمني فيك
اتم بردان
واتم دفيان
على حسّك صاحي
وغافي
وتبرد اطرافي
.....
نسمات بارده
وطعنات جاحده
....تطعن اليوف
والروح صامده
للحين معانده
.....رغم الخوف
يظل القلب وافي
وتبرد اطرافي
.....

وجودك معنى الوفى
وجودك هو صفه
...تتوصّف فيها الليالي
الخفوق مااكتفى
والقلب عفـــــــى
.........لإنّك غالي
وهذا كافي
وتبرد اطرافي
............

لأحاسيس التجمّد متصوّر
ماني أبد متهوّر
.....أحبك بإقتناع
الروح وياك تنوّر
والقلب منك متعوّر
......ويفداك ماضاع
غيرك مافي
وتبرد اطرافي
.......

ترتعش الحنايا وأحبّك
مُنيتي أبقى قربـــــــــــك
..بس آآآخ ..يالأيّام
تغلبني وتغَلبِك
تصعّب علي دربك
.......وتحطّم الأحلام
وتكسر مجدافي
تبرد اطرافي